2012 blir eit heidundrandes verveår! Med store og små konkurransar, verveveker og -helger, og flotte vervepremiar er det mykje å sjå fram til. Verveåret har allereie byrja med to parallelle vervekonkurransar som varar fram til 1. mars. er du over 18 år kan du verve 20 stk og bli med i trekninga om å bli med til Bonn. Er du under 18 år kan du verve flest og få gratis nasjonal vårkonferanse for deg og ein ven, med snikeband.
Bonn.
I mai er det mellomforhandlingar i Bonn. Natur og Ungdom vil vere der for å presse på, krevje handling og følgje forhandlingane. Ein må vere over 18 år for å få innpass på forhandlingane, Natur og Ungdom inkje unntak. Derfor må vervevinnaren vere over 18 år. Fyller du 18 år før 14. mai får du bli med på denne konkurransen. Verv 20 nye medlem før 1. mars, og bli med i trekninga om å bli med på forhandlingar i Bonn.
Nasjonal vårkonferanse.
23. til 25 mars er det nasjonal vårkonferanse for Natur og Ungdom. Vi samlast i klimakampen, lærar mykje nytt, aksjonerar og får nye venar. Vervar du flest før 1. mars får du gratis nasjonalt vårkonferanse for deg sjølv og ein ven, i tillegg til snikeband under heile arrangementet. Konkurransen gjeld for alle under 18 år.
Ein organisasjon i vekst.
Skal vi få bukt med klimaproblemet, stoppe det store tapet av naturmangfald og vinne miljøsaker i framtida er vi avhengig av å ha mange medlem. Vi må vere ein organisasjon i vekst, og vi må verve mange nye medlem i løpet av året. Då må alle bidra, alle må verve. Om alle i organisasjonen verva 1 kvar, ville vi vore dobbelt så mange. Vil du vere med på å styrke Natur og Ungdom, og samtidig vinne heftig kule premiar, er det berre å finne fram verveblokka, skru på sjarmen og spørje alle du møter på.
For meir informasjon, bestilling av verveblokker e.l. kontakt verveansvarlege på verving@nu.no