I veke 45 er duka for nasjonal verveveke. Heile organisasjonen skal ut i gatene for å verve nye medlem til vår flotte organiasasjon. Vi skal verev, for når det gjeld verving er vi ustoppelege. Vi skal bli fleire, større og sterkare. Og for det treng vi fleire medlem.
Natur og Ungdom er allereie ein svær organisasjon. Med omlag 7000 medlem har vi stor påverkningskraft. Vi tar opp kampen mot forureiningsskurkane, vinn miljøsaker, skaper større miljøfokus og pushar politikerane til å handle. Verdas klima og natur treng Natur og Ungdom, og for å vinne fleire miljøsaker i framtida trengs eit større Natur og Ungdom.
Og det er her vervinga kjem inn i biletet. Skal vi bli fleire er vi avhengige av at alle vervar. Heldigvis fins det bråtar med ungdom i dette landet som berre ventar på å bli verva.
I tillegg til å bidra til større lokal og nasjonal aktivitet, er det også store mogelegheiter for å vinne mykje heider og ære, samt kule vervepremiar. Det beste vervelokallaget, og vervefylket blir heidra av heile NU-Noreg, og alle som vervar får flotte vervepremiar som til dømes t-skjorte, CD-gåvekort og sykkel. Og den beste vervaren gjennom veka får også ein ekslusiv vervetur til ein by i Noreg saman med sentralstyret. Så er du glad i å reise, glad i sentralstyret og glad i å verve er dette noko å sikte mot for deg.
Vil du bli med så sleng deg med!
Og om du og ditt lokallag treng verve-stæsj, meir informasjon eller har gode verveplanar for veka, send oss ein mail på verving@nu.no