Klimaproblemet krev at vi erstattar forureinande olje, gass og kol med rein, miljøvenleg energi. Allereie eksisterande vindkraftanlegg langs kysten bidreg til dette, og det er synd at inbyggjarane i Solund kommune ikkje vil ta del i denne viktige oppgåva. Knapt noko land i Europa har betre føresetnadar for vindkraft enn Noreg.
- Verda treng fornybar energi, og det er vi her i Sogn og Fjordane som kan produsere den. Eg ynskjer å bu i eit fylke som bidreg til å løyse klimaproblemet, som er framsynt, og som satsar på dei miljøvenlege løysingane. Då treng vi vindkraft, seier Karoline Strand, leiar i Sogn og Fjordane Natur og Ungdom.
Noreg har eit mål om å byggje ut store mengder fornybar vindkraft i åra som kjem, mellom anna gjennom ordninga med grøne sertifikatar. I framtida vil vindkraft vere heilt avgjerande for å kunne møte behovet for energi i Noreg og i verda. Skal ein skifte ut dagens forureinande bilar og oppvarming, trengs rein energi å erstatte det med. Det kan likevel ikkje gå på tvers av mangfaldet i naturen.
- Vindkraft er ein viktig del av løysinga på klimaproblemet og den omstillinga vi må gjere frå det fossile til det fornybare samfunnet. Difor er det viktig og riktig å byggje ut Ytre Sula vindpark. Ulvegreina vindpark er planlagt i eit viktig hekkeområde for verdifulle fugleartar, og må ikkje byggjast ut, avsluttar Strand.