Markering for Førdefjorden
I desember varsla Nordic Mining oppstart i gruveprosjektet i Vevring. Trass i at saka framleis ikkje er rettsleg avklart, vil selskapet starte drifta, og gjere uopprettelege skader på Førdefjorden. Men kampen for ein rein og levande Førdefjord er ikkje tapt! Bli med til Vevring og marker din motstand mot gruvedumpinga. Hald av datoen 26. april. Men obs! Datoen kan bli endra.
Derfor aksjonerer vi
I 2022 fekk gruveselskapet Nordic Mining endeleg løyve til å starte gruveanlegg i Vevring ved Førdefjorden. Natur og Ungdom og Naturvernforbundet saksøkte staten for denne avgjersla: Dumping av gruveavfall i sjø burde ha vore forbode.
Nordic Mining varsla oppstart av gruveanlegget like før jul i 2024. Retten har framleis ikkje avgjort om gruveanlegget er lovleg, men gruveselskapet har likevel lov til starte opp gruva og deponi, og gjere irreversible skader på fjorden og naturen.
Du er velkommen til ei lovleg markering mot sjødeponiet i Førdefjorden, laurdag 26. april. Etter aksjonen er det middag og konsert i Vevring.
Du må sjølv organisere reise til og frå Vevring.
Vil du vere med?
Praktisk informasjon
Foreløpig dato for aksjonen er 26. april. Denne datoen kan bli endra på kort varsel! Derfor er det viktig at du melder deg på, om du ønsker å vere med på aksjonen, slik at du kan få beskjed om datoen blir endra.
Meir om saka
Sjødeponi
Norge er et av to land i verden som fortsatt tillater sjødeponi - at gruveavfall fra gruver på land dumpes i sjøen. Dette er svært ødeleggende for livet i fjordene våre, og for de som lever rundt den.
--e Les mer
Førdefjorden
I Førdefjorden har selskapet Nordic Mining fått tillatelse til å dumpe 170 millioner tonn gruveavfall i Førdefjorden i Sunnfjord kommune. Dette mener vi er ulovlig. Derfor saksøker vi staten sammen med Naturvernforbundet!
--e Les mer
Seier i EFTA-domstolen!
--e Les mer
Lurer du på noko?
Ta kontakt med havgruppa!
